50,000 ടൺ ഭാരം ഭൂമിക്ക് ഓരോ വർഷവും കുറയുന്നു !

40,000 ടൺ പൊടിപടലങ്ങൾ സ്പേസിൽ നിന്നും ഓരോ വർഷവും ഭൂമിയിൽ പതിക്കുന്നു.
സൂര്യനിൽ നിന്നും ലഭിക്കുന്ന ഊർജ്ജം മൂലം 160 ടൺ ഭാരം കൂടുന്നു.

ഭൂമിക്ക് അന്തർഭാഗത്തുള്ള ഉറേനിയത്തിന്റെ ഉപചയം മൂലം 16 ടൺ ഭാരം കുറയുന്നു.
1,600 ടൺ ഹീലിയം സ്പേസിലേക്ക്കു ചോർന്നു പോകുന്നു.
95,000 ടൺ ഹൈഡ്രജൻ സ്പേസിലേക്ക്കു ചോർന്നു പോകുന്നു.

എല്ലാം കൂട്ടിയും കുറച്ചു നോക്കിയാൽ.. 50,000 ടൺ ഭാരം ഭൂമിക്ക് ഓരോ വർഷവും കുറയുന്നു !

ചൂടുവെള്ളം പച്ചവെള്ളത്തെക്കാൾ എളുപ്പം ഐസ് ആവുന്നു (ചില സാഹചര്യങ്ങളിൽ)

ചൂടുവെള്ളം പച്ചവെള്ളത്തെക്കാൾ എളുപ്പം ഐസ് ആവുന്നു (ചില സാഹചര്യങ്ങളിൽ) ഇതിന്റെ ഒരു വീഡിയോയും കാണാം : https://www.youtube.com/watch?v=B3VHGTQQs-4

പണ്ടു അരിസ്റ്റോട്ടലിന്റെ കാലം മുതലേ കണ്ടുപിടിച്ച ഒരു കാര്യമാണ് ചില സാഹചര്യങ്ങളിൽ ചൂടുവെള്ളം പച്ചവെള്ളത്തേക്കാൾ എളുപ്പം ഐസ് ആവും ഏന്നത്. എന്നാൽ 1963-ഇൽ താൻസാനിയ സ്റ്റുഡന്റ് ആയിരുന്ന ഏരസ്റ്റൊ ഫെമ്പ തന്റെ പാചക ക്ലാസ്സിൽ ചൂട് ഐസ്ക്രീം മിക്സ് വേഗം കട്ടിയാവുന്നത് നിരീക്ഷിച്ചതിനു ശേഷം ആണു ഇത് അദ്ധേഹത്തിന്റെ പേരില് " ഫെമ്പ എഫ്ഫക്റ്റ്‌ " എന്ന് അറിയുവാൻ തുടങ്ങിയതു.
പല സാഹചര്യങ്ങളിലും ഈ ഫെമ്പ എഫ്ഫക്റ്റ്‌ വര്ക്ക് ചെയ്യുന്നുണ്ട്.
* ഫ്രിഡ്ജിനുള്ളിൽ ഐസ്ട്രെ യിൽ വയ്ക്കുന്ന പാത്രം ചൂടുള്ളതാണെങ്കിൽ അതിനു താഴെ ഉള്ള ഐസ് ഉരുകി വീണ്ടും ഐസ് ആയി ആ പാത്രവുമായി നല്ല സ്പർശനത്തിൽ വരികയും, തന്മൂലം പാത്രത്തിലെ വെള്ളം വേഗം കട്ടി ആവുകയും ചെയ്യുന്നു.
* തണുത്ത വെള്ളത്തിന്റേയും, ചൂടു വെള്ളത്തിന്റേയും മോളിക്യുലാർ ബോണ്ടിലുള്ള പ്രത്യേകതകൊണ്ടും ഇങ്ങനെ സംഭവിക്കാം. (ചിതം 1 നോക്കുക )
* മറ്റൊരു കാര്യം ചൂടുവെള്ളത്തിന്റെ വിസ്ക്കോസിറ്റി പച്ചവെള്ളത്തെ അപേക്ഷിച്ചു വളരെ കുറവാണു. (ചിതം 2 നോക്കുക ) 

ചൂടു വെള്ളം വളരെ തണുത്ത അന്തരീക്ഷത്തിലേക്ക് വേഗത്തിൽ തളിക്കുംബോൾ വിസ്ക്കോസിറ്റി കുറവായതിനാൽ വളരെ ചെറിയ വെള്ള-തരികളാവുകയും, തന്മൂലം കൂടുതൽ സർഫസ് ഏരിയ ഉണ്ടാവുകയും, വേഗം ഐസ് ആവുകയും ചെയ്യുന്നു.

ആഡ്രോമീഡ ഗാലക്സി ഭൂമിയിൽ നിന്ന് നന്നായി തെളിഞ്ഞ് കാണുമായിരുന്നെകിൽ.. അത് ചന്ദ്രന്റെ 6 ഇരട്ടി വലിപ്പത്തിൽ കാണുമായിരുന്നു

ആഡ്രോമീഡ ഗാലക്സി ഭൂമിയിൽ നിന്ന് നന്നായി തെളിഞ്ഞ് കാണുമായിരുന്നെകിൽ.. അത് ചന്ദ്രന്റെ 6 ഇരട്ടി വലിപ്പത്തിൽ കാണുമായിരുന്നു. 
അന്തരീക്ഷ മലിനീകരണവും, വായുവിലൂടെ കടന്നുവരുമ്പോൾ ഉണ്ടാവുന്ന പ്രകാശത്തിന്റെ മങ്ങലും ആണു നമുക്ക് ഈ കാഴ്ച ഇല്ലാതാക്കുന്നത്. 
ആൻഡ്രോമീഡ ഗാലക്സി 22 ലക്ഷം പ്രകാശവർഷം ദൂരെ ആണു.

എന്തുകൊണ്ടു നാസയുടെ ഫോട്ടോയിൽ ഭൂമിയിലെ വന്കരകളൊക്കെ പല വലിപ്പത്തിൽ കാണുന്നു ??

" പരന്ന ഭൂമി വാദികൾ " പ്രധാനമായി വാദിക്കുന്ന ഒരു പ്രധാന കാര്യം ഇതാണ്.. എന്തുകൊണ്ടു നാസയുടെ ഫോട്ടോയിൽ ഭൂമിയിലെ വന്കരകളൊക്കെ പല വലിപ്പത്തിൽ കാണുന്നു ?? ചിലതിൽ അമേരിക്ക ചെറുത്. ചിലതിൽ വലുത് ! ഫോട്ടോ നോക്കിയാൽ ശരിയാണു. അവരെ കുറ്റം പറയുവാൻ പറ്റില്ല. എന്നാൽ എന്താണു ഇതിനു കാരണം ?
കാരണം വളരെ ലളിതമാണ്. ആ ഫോട്ടോകളൊക്കെ എടുത്തിരിക്കുന്നത് ഭൂമിയിൽ നിന്നും പല ഉയരത്തിലാണ്.. അല്ലെങ്കിൽ പല ദൂരത്തിലാണ് എന്ന് പറയാം. നമുക്ക് 36,000 കിലോമീറ്റർ ഉയരത്തിൽ ഉള്ള ഭൂസ്ഥിര ഉപഗ്രഹങ്ങൾ ഉണ്ട്. അതിൽ നിന്നും ഫോട്ടോ എടുത്താൽ അത്യാവശ്യം നന്നായി ഭൂമി കിട്ടും. എന്നാൽ ചില ഉപഗ്രഹങ്ങൾ ഭൂമിക്കു കുറച്ചുകൂടെ അടുത്തായുണ്ട്. അവയിൽ നിന്നും ഭൂമിയുടെ ഫോട്ടോ എടുത്താൽ ക്യാമറയ്ക്ക് തൊട്ടടുത്തുള്ള ഭാഗങ്ങൾ വലുതായി വരും.
വൈഡ് ആങ്കിൾ ലെൻസ്‌ ഉപയോഗിച്ചാണു അതുപോലുള്ള ഫോട്ടോകൾ എടുക്കുക.
ഉദാ : നമ്മുടെ മുൻഷി പരിപാടിയിലെ പോലെ ആളുകളുടെ മൂക്കും, വായും ഒക്കെ വലുതായി തോന്നും :)

കഴിഞ്ഞ വർഷം വിക്ഷേപിച്ച DSCOVR സ്ഥിതി ചെയ്യുന്നത് 15 ലക്ഷം കിലോമീറ്റർ ദൂരെ ആണു. അതിൽനിന്നുള്ള ഫോട്ടോ ആണു വളരെ ക്രിത്യമായിട്ടുള്ളതു. 
അതിൽ ഭൂമിയും ചന്ദ്രനും ഒരേ ഫോട്ടോയിൽത്തന്നെ നന്നായി കാണാം.

നമ്മൾ കാണുന്ന നക്ഷത്രങ്ങൾ..

എന്താണ് 6 പാക്ക് ?

വേഗത കൂടുമ്പോൾ സമയം സ്ലോ ആവുന്നു.

ഐൻസ്റ്റീന്റെ സ്പെഷ്യൽ തിയറി ഓഫ് റിലേറ്റിവിറ്റി പ്രകാരം വേഗത കൂടുമ്പോൾ സമയം സ്ലോ ആവുന്നു. ഇത് തിയറി മാത്രം അല്ല. ഒട്ടനവധി പരീക്ഷണങ്ങളിൽ അത് തെളിയുകയും ചെയ്തു. നമുക്ക് ഇത് അംഗീകരിക്കാതെ മറ്റു വഴികളില്ല.
പ്രകാശത്തിന്റെ വേഗതയോട് അടുത്ത വേഗത്തിൽ മാത്രമേ സമയത്തിനു കാര്യമായ കുറവു വരുന്നുള്ളൂ. താഴെ കൊടുത്തിരിക്കുന്ന ചിത്രത്തിലെ സമവാക്യം ശ്രദ്ധിക്കുക. അതിൽ " V " ആണു നമ്മുടെ വേഗത.

പ്രകാശത്തിന്റെ 25% വേഗതയിൽ പോയാൽ സമയം 3% പതുക്കെ ആവും.
പ്രകാശത്തിന്റെ 50% വേഗതയിൽ പോയാൽ സമയം 13% പതുക്കെ ആവും.
പ്രകാശത്തിന്റെ 99% വേഗതയിൽ പോയാൽ സമയം 86% പതുക്കെ ആവും.
പ്രകാശത്തിന്റെ വേഗതയിൽ പോയാൽ സമയം ഇല്ലാതെ ആവും.

10,000 ഗാലക്സികൾ ഉണ്ട് !. ഓരോ ഗാലക്സികളിലും കോടാനുകോടി നക്ഷത്രങ്ങളും ഉണ്ട് !

1996-ഇൽ ഹബിൾ ടെലസ്ക്കോപ്പ് ആകാശത്തു നീട്ടിപ്പിടിച്ച കൈയ്യിലെ ഒരു മണൽത്തരിയുടെ അത്ര ഭാഗം 10 ദിവസം തുടർച്ചയായി തുറന്നുവച്ചു ഒരു ഫോട്ടോ എടുത്തു. 
ആ ഫോട്ടോ ആണു ഈ പോസ്റ്റിൽ കൊടുത്തിരിക്കുന്നത്. അതിൽ 10,000 ഗാലക്സികൾ ഉണ്ടായിരുന്നു. ഓരോ ഗാലക്സികളിലും കോടാനുകോടി നക്ഷത്രങ്ങളും ഉണ്ട് !

ആകെ 12 ആളുകളാണു ചന്ദ്രനിൽ ഇറങ്ങി നടന്നതു !

1968 ഡിസംബറില്‍ അപ്പോളോ-8ല്‍ ഒരു മൂന്നംഗ സംഘം ആദ്യമായി ചാന്ദ്രഭ്രമണപഥത്തിലെത്തി ചന്ദ്രനില്‍നിന്ന് 100 കിലോമീറ്റർ മുകളില്‍ക്കൂടി ചന്ദ്രനെ 10 പ്രാവശ്യം ചുറ്റി.
1969 മാര്‍ച്ചില്‍ അപ്പോളോ-9 ഭൂ ഭ്രമണപഥത്തില്‍ വെച്ചും
1969 മെയില്‍ അപ്പോളോ-10 വീണ്ടും ചന്ദ്ര ഭ്രമണപഥത്തില്‍ വെച്ചും ചന്ദ്രനിലിറങ്ങാനുള്ള തയ്യാറെടുപ്പിന്റെ അവസാന പരീക്ഷണങ്ങളും വിജയകരമായി നടത്തി.

അപ്പോളോ -11:- 
1969 ജൂലൈ-20 ന് അപ്പോളോ -11 ലെ യാത്രീകരായ നീൽ ആംസ്ട്രോങ്ങ്, ബുസ് ആൽഡ്രിൻ എന്നിവർ ചന്ദ്രനിൽ “ ട്രാൻക്വിലിറ്റി ബേസിൽ “, ഇറങ്ങി 22 മണിക്കൂർ ചിലവഴിച്ചു.

അപ്പോളോ-12 :-
1969 നവംബർ-19 നു അപ്പോളോ-12 ഇൽ പെറ്റ് കൊണാർഡ്, അലൻ ബീൻ എന്നിവർ ചന്ദ്രനിൽ പോയി 2 ദിവസം ചിലവഴിച്ചു.

അപ്പോളോ-13 :-
അപ്പോളോ 13ന്റെ ദൌത്യം പരാജയപ്പെട്ടുവെങ്കിലും സഞ്ചാരികളെ ജീവനോടെ തിരിച്ചെത്തിക്കുവാൻ കഴിഞ്ഞു

അപ്പോളോ-14 :-
1971 ഫെബ്രുവരി-5 നു അപ്പോളോ-14 ഇൽ അലൻ ഷെപ്പേർഡും, എഡ്ഗാർ മിറ്റ്ചെൽ എന്നിവർ ചന്ദ്രനിൽ “ഫ്രാ മറുആ റീജിയനിൽ “ പോയി മടങ്ങി വന്നു.

അപ്പോളോ-15 :-
1971 ജൂലൈ-31 നു അപ്പോളോ-15 ഇൽ ഡേവിഡ് സ്കോട്ട്, ജെയിംസ് ഇർവിൻ എന്നിവർ ചന്ദ്രനിൽ “ഹാഡ്ലെ റില്ലി “ എന്ന ഇടത്ത് 2 കുന്നുകൾക്കിടയിലായി ലാൻഡ് ചെയ്തു, 2 ദിവസം ചിലവഴിച്ചു.

അപ്പോളോ-16 :-
1972 ഏപ്രിൽ-21 നു അപ്പോളോ-16 ഇൽ ജോൺ യങ്ങ്, ചാർളിസ് ഡ്യൂക്ക് എന്നിവർ ചന്ദ്രനിൽ “ചന്ദ്രനിൽ പോയി 3 ദിവസം ചിലവഴിച്ചു.

അപ്പോളോ-17 :-
1972 ഡിസംബർ-21 നു അപ്പോളോ-17 ഇൽ യൂജിൻ സീമാന്മ് ഹാരിസൺ സ്മിത്ത് എന്നിവർ ചന്ദ്രനിൽ “ചന്ദ്രനിൽ പോയി 3 ദിവസം ചിലവഴിച്ചു.

* അപ്പോളോ-13 മാത്രം യന്ത്ര തകരാറുമൂലം ചന്ദ്രനിൽ ഇറങ്ങാതെ തിരിച്ചുപോന്നു.

* അപ്പോളോ സീരീസ് ബഹിരാകാശ വാഹനങ്ങളിൽ 6 പ്രാവശ്യമായി ആകെ 12 ആളുകളാണു ചന്ദ്രനിൽ ഇറങ്ങി നടന്നതു !

ചന്ദ്രന്റെ കാണാത്ത മുഖം

ചന്ദ്രനെ കാണാത്തവരായി ആരുംതന്നെ ഉണ്ടാവില്ല. എന്നാൽ ചന്ദ്രനെ ശരിക്കും കണ്ടിട്ടുണ്ടോ എന്ന് ചോദിച്ചാൽ... ചന്ദ്രന്റെ പകുതിയേ കണ്ടിട്ടുള്ളൂ എന്ന് പറയേണ്ടി വരും. നമ്മൾ ഇവിടന്നു നോക്കിയാൽ ചന്ദ്രന്റെ ഒരു ഭാഗം മാത്രമേ കാണുവാൻ സാധിക്കൂ. ചന്ദ്രനെ വെറും കണ്ണുകൊണ്ടു നോക്കുമ്പോൾ നമുക്ക് വെളുത്ത പ്രകാശം അല്ലാതെ ചന്ദ്രന്റെ ഉപരിതലം ഒന്നും വ്യക്തമാകാറില്ല. അതുകൊണ്ടാണ് നാം അത് ശ്രദ്ധിക്കാതെ പോകുന്നത്. എന്നാൽ ബൈനോക്കുലറിലൂടെയോ, ദൂരദർശിനിയിലൂടെ ഒക്കെ ചന്ദ്രനെ നിരീക്ഷിച്ചിട്ടുള്ളവർ അത് ശ്രദ്ധിച്ചിട്ടുണ്ടാവും .ഭൂമിയെ പ്രദക്ഷിണം ചെയ്യുന്ന അതേ സമയദൈർഘ്യം കൊണ്ടു തന്നെയാണ് ചന്ദ്രൻ അതിന്റെ അച്ചുതണ്ടിൽ ഭ്രമണം ചെയ്യുന്നതും, അതിനാൽ തന്നെ ഭൂമിയിൽ നിന്ന് നിരീക്ഷിക്കുമ്പോൾ എല്ലായ്പ്പോഴും ഒരുവശം മാത്രമേ ദൃഷ്ടിഗോചരമാകുന്നുള്ളൂ. ഈ പ്രതിഫാസത്തിനെ ടൈഡൽ ലോക്കിംഗ് എന്ന് പറയും. മുൻപ് കൂടിയ വേഗത്തിൽ ഭ്രമണം ചെയ്തിരുന്ന ചന്ദ്രൻ ഭൂമിയുമായുള്ള ഘർഷണ പ്രഭാവങ്ങൾ നിമിത്തം ഭ്രമണവേഗം കുറഞ്ഞ് ഇന്നത്തെ അവസ്ഥയിൽ സ്ഥിരപ്പെടുകയായിരുന്നു. ചന്ദ്രൻ ഒന്ന് തിരിഞ്ഞു നിവർന്നു വരുമ്പോൾ ചന്ദ്രന്റെ കുറച്ചു പിൻ ഭാഗം നമുക്ക് കാണുവാൻ സാധിക്കും. എന്നിരുന്നാലും ചന്ദ്രന്റെ 82 % മറുപുറവും നമുക്ക് കാണുവാൻ സാധിക്കില്ല.

1959 ഇൽ റഷ്യയുടെ ലൂണാ-3 പേടകം ആണു ചന്ദ്രന്റെ മറുപുറം ആദ്യമായി ഫോട്ടോ എടുക്കുന്നത്. ഭൂമിയിൽ നിന്ന് ദൃശ്യമാകുന്ന ചന്ദ്രമുഖത്തെ സമീപപക്ഷവശം എന്നും മറുഭാഗത്തെ ദൂരപക്ഷവശം എന്നും പറയുന്നു. നമുക്ക് ദർശിക്കാനാവാത്ത ഭാഗത്തെ ചന്ദ്രന്റെ ഇരുണ്ട ഭാഗം എന്നും പറയാറുണ്ടെങ്കിലും യഥാർത്ഥത്തിൽ ഭൂമിയിൽ നിന്നും കാണാവുന്ന ഭാഗത്ത്‌ ലഭിക്കുന്ന അത്ര തന്നെ സൂര്യപ്രകാശം ഈ ഭാഗത്തും ലഭിക്കുന്നുണ്ട്‌.
ദൂരവശത്തിന്റെ എടുത്തു പറയേണ്ട ഒരു പ്രത്യേകത അവിടെ സാധാരണ ചന്ദ്രബിംബത്തിൽ കണ്ടു വരുന്ന കറുത്ത അടയാളങ്ങൾ വളരെക്കുറവേ കാണപ്പെടുന്നുള്ളൂ എന്നതാണ്. ഈ കറുത്ത അടയാളങ്ങൾ വളരെ പണ്ടുകാലത്തുണ്ടായ ഉൽക്കാപതനങ്ങൾ നിമിത്തം ബഹിർഗമിക്കപ്പെട്ട ബസാൾട്ട് മൂലം രൂപം കൊണ്ട ബസാൾട്ട് സമതലങ്ങൾ ആണ്.

ഭൂമി 1 മണിക്കൂർ കൊണ്ടു കറങ്ങിയാൽ എന്താവും സംഭവിക്കുക ?

ANSWER :-

ഭൂമി 2 ധ്രുവങ്ങളിലൂടെയും സാങ്കല്പ്പീകമായി കടന്നുപോകുന്ന അച്ചുതണ്ടിൽ കറങ്ങുന്നതുപോലെ ആണു ഇപ്പോൾ കറങ്ങിക്കൊണ്ടിരിക്കുന്നതു. അപ്പോൾ ഭൂമദ്യ രേഖാ പ്രദേശം വളരെ വേഗത്തിൽ നീങ്ങിക്കൊണ്ടിരിക്കും. സെക്കന്റിൽ @465 മീറ്റർ എന്നാ തോതിൽ ആണു ഭൂമദ്യ രേഖ പ്രദേശം നീങ്ങുന്നത്‌.
24 മണിക്കൂറിനു പകരം അത് 1 മണിക്കൂറിൽ ആയാൽ 0.465 x 24 = 11.16 km / sec ആവും.
ഭൂമിയുടെ എസ്ക്കേപ്പ് വെലോസിറ് 11.2 km / sec ആണു.
ഭൂമി 1 മണിക്കൂർ കൊണ്ടു കറങ്ങിയാൽ ഭൂമദ്യ രേഖയ്ക്കു അടുത്തുള്ളവരെല്ലാം ഏതാണ്ടു എസ്ക്കേപ്പ് വെലോസിറ്റിയിൽ (11.16 km / sec ) ആണു സഞ്ചരിക്കുക. നമ്മുടെ അന്താരാഷ്ട്രാ ബഹിരാകാശ നിലയം വെറും 7.5 km / sec . ആണു സഞ്ചരിക്കുക എന്ന് ഓർക്കണം. അപ്പോൾ ഭൂമി 1 മണിക്കൂർ കൊണ്ടു കറങ്ങിയാൽ.. ഭൂമദ്യ രേഖയ്ക്കും, കൂടാതെ അവിടന്നു തെക്കോട്ടും, വടക്കോട്ടും @ 3000 കിലോമീറ്റർ രാജ്യങ്ങളിലെ സകല വസ്തുകളും ഭാരം ഇല്ലാതെ ഭൂമിയെ ചുറ്റും. ആ പ്രദേശത്തെ വായു സ്പേസിലേക്കു ധാരാളമായി നഷ്ടപ്പെടും. ഭൂമിലെ ആളുകളും, കല്ലും, മണ്ണും ഒക്കെ ആകാശത്തേക്കു പറക്കും. അങ്ങനെ ഭൂമിയുടെ വലിപ്പം കൂടുമ്പോൾ ഗ്രാവിറ്റി കുറയും. അപ്പോൾ കൂടുതൽ കൂടുതൽ വസ്തുക്കൾ സ്പേസിലേക്കു പോകും. ഭൂമദ്യരേഖയിലുള്ള വസ്തുക്കളൊക്കെ പറന്നു പോകുമ്പോൾ ധ്രുവപ്രദേശത്തെ വസ്തുക്കളൊക്കെ അങ്ങോട്ടു പോരും. ചുരുക്കിപ്പറഞ്ഞാൽ ഭൂമി സാവകാശം ചിന്നി ചിതറി ഭൂമിയുടെ ഇപ്പോൾ ഉള്ള ഓർബിറ്റിൽ പറക്കും. ചൊവ്വയ്ക്കും, വ്യാഴത്തിനും ഇടയ്ക്കു ഉള്ളതുപോലെ ഒരു അസ്റ്ററോയ്ഡ് ബെൽറ്റ്‌ ഉണ്ടാവും.
* ഇങ്ങനെ തനിയേ ചിന്നിച്ചിതറി പോവാൻ ഭൂമി 80 മിനിറ്റ് കൊണ്ടു കറങ്ങിയാൽ മതിയാവും.

ഭൂമി 1 മണിക്കൂർ കൊണ്ടു കറങ്ങിയാൽ എന്താവും സംഭവിക്കുക ?

10 ലക്ഷം കിലോമീറ്റർ മുകളിൽനിന്നു ചാടിയാൽ ??

1) അയാൾ ഭൂമിയിലേക്ക്‌ കല്ലുകണക്കെ വീഴില്ല.
കാരണം.. അത്ര ഉയരത്തിൽ ഭൂമിയുടെ ഗ്രാവിറ്റിയേക്കാൾ കൂടുതലാണ് സൂര്യന്റെ ഗ്രാവിറ്റി.

2) ഭൂമിയെ ചുറ്റില്ല. കാരണം.. അത്ര ഉയരത്തിൽ ഭൂമിയുടെ ഗ്രാവിറ്റിയേക്കാൾ കൂടുതലാണ് സൂര്യന്റെ ഗ്രാവിറ്റി.

3)
A) 50% ചാൻസ് അയാൾ സൂര്യനെ ചുറ്റും.
B) 50% ചാൻസ് അയാൾ നമ്മുടെ സോളാർസിസ്റ്റം വിട്ട് പുറത്തു പോകും. ടവർ ഭൂമിയിൽ എവിടെ ആണു സ്ഥിതി ചെയ്യന്നത് എന്നതിന് അനുസരിച്ചായിരിക്കും അയാൾ സൂര്യനെ ചുറ്റുമോ.. അതോ നമ്മുടെ സോളാർ സിസ്റ്റത്തിൽനിന്നുതന്നെ പുറത്തു പോകുമോ എന്ന് തീരുമാനിക്കുന്നത്.

What is " Escape velocity " ? Can we " escape " going less than Escape velocity ??

What is " Escape velocity " ?
Can we " escape " going less than Escape velocity ??

ഭൂമിയോ, ഗ്രഹങ്ങളോ, അല്ലെങ്കിൽ ഗ്രാവിറ്റി ഉള്ള മറ്റേതൊരു വസ്തുവിൽനിന്നോ ദൂരേക്ക് എറിയുന്ന പന്തോ, കല്ലോ, അല്ലെങ്കിൽ റോകറ്റ് പോലെ തുടരെ ഊർജ്ജം ഉപയോഗിക്കാത്ത ഒരു വസ്തുവിനു ആ ഗ്രഹത്തിന്റെ ആകർഷണവലയം വലയം ഭേദിച്ച് പുറത്തു പോവാൻ വേണ്ട ഏറ്റവും കുറഞ്ഞ ആദ്യ-വേഗതയാണ് എസ്ക്കേപ്പ് വെലോസിറ്റി.
.
ഉദാ : നമ്മൾ ഒരു കല്ല്‌ മേലേക്ക് എറിഞ്ഞാൽ ആ കല്ല് കുറച്ചു മുകളിൽ പോയി തിരികെ ഭൂമിയിൽ വന്നു വീഴും.
കൂടുതൽ വേഗതയിൽ എറിഞ്ഞാൽ അത് കൂടുത്തൽ മുകളിൽ പോയി തിരിച്ച് വന്ന ഭൂമിയിൽ വീഴും.
എന്നാൽ ഒരു പ്രത്യേക വേഗതയ്ക്ക് മുകളിൽ എറിഞ്ഞാൽ ആ കല്ല്‌ തിരികെ വന്നു ഭൂമിയിൽ പതിക്കില്ല. ആ വേഗതയ്ക്ക് എസ്ക്കേപ്പ് വെലോസിറ്റി എന്ന് പറയും.
.
നമ്മൾ മുകളിൽ പറഞ്ഞ ഉദാഹരണം ആദ്യം മാത്രം ഊർജ്ജം ഉപയോഗിച്ച് മേലോട്ട് / ദൂരേക്ക് പോകുന്ന വസ്തുക്കളുടെ കാര്യം ആണു. എന്നാൽ റോക്കറ്റ് തുടരെ തുടരെ ഊർജ്ജം ഉപയോഗിച്ചു ആണു മേലോട്ട് / ദൂരേക്ക്‌ പോകുന്നത്. ഇതുപോലെ തുടരെ ഊർജ്ജം ഉപയോഗിച്ചാൽ വളരെ കുറഞ്ഞ വേഗതയിലും റോക്കറ്റിനു ഭൂമിയുടെ ആകർഷണവലയം ഭേദിച്ചു പുറത്തു പോവാൻ സാധിക്കും.
* കുറഞ്ഞ വേഗതിയിൽ പോയാൽ കൂടുതൽ സമയം ഇന്ധനം ഉപയോഗിക്കണം. അതുകൊണ്ടു
താരതമ്യേനെ വളരെ കുറഞ്ഞ ഇന്ധനം ( കൂടുതൽ ഇന്ദനം വളരെ കുറഞ്ഞ സമയം മാത്രം ) ഉപയോഗിച്ചാണു റോക്കറ്റ് വേഗതയിൽ പോകുന്നതു.

ബഹിരാകാശത്തു വസ്തുക്കൾ താഴെ വീഴാതെ നിൽക്കുന്നതെന്തുകൊണ്ടാണ്

നമുക്ക് ഭൂമിയെ ചുറ്റുന്ന ഒട്ടനവധി സാറ്റലറ്റുകൾ ഉണ്ട്. 
അന്താരാഷ്ട്ര ബഹിരാകാശനിലയം ഭൂമിയെ 92 മിനിറ്റ് കൊണ്ട് ചുറ്റുന്നു. ഇന്ത്യയുടെ സാറ്റലുറ്റുകളായിരുന്ന ആര്യഭട്ടയും, ഭാസ്കരയും, രോഹിണിയും ഒക്കെ ഏകദേശം 1.5 മണിക്കൂർ കൊണ്ടാണു ഭൂമിയെ ചുറ്റിയിരുന്നത്. സാറ്റലറ്റിനു അവിടെ ഭൂമിയെ ചുറ്റാതെ വെറുതെ നിൽക്കാനോ, വേഗത കുറയ്ക്കനോ സാധിക്കില്ല. വേഗത കുറഞ്ഞാൽ അത് ഭൂമിയിലേക്ക്‌ പതിക്കും. എന്നാൽ നമ്മുടെ തലയ്ക്കു മുകളിൽ എപ്പോഴും സ്ഥിതിചെയ്യുന്ന രീതിയിൽ നമുക്ക് സാറ്റലറ്റിനെ നിർത്താം. ടെലിവിഷൻ റിലേ ചെയ്യുന്നതും, വാർത്താവിനിമയത്തിനും ഉപയോഗിക്കുന്നതുമായ സാറ്റലറ്റുകൾ അതതു രാജ്യത്തിനു മുകളിലായി സ്ഥിരമായി നിലകൊള്ളുകയാണ്. എന്ന് വച്ചാൽ ആ സാറ്റലറ്റുകൾ ഭൂമിയുടെ ഒപ്പം 24 മണിക്കൂർ കൊണ്ടു ഭൂമിയെ ചുറ്റുകയാണു. അതുകൊണ്ടാണ് അത് അവിടെ എപ്പോഴും നിലകൊള്ളുന്നതായി നമുക്ക് തോന്നുന്നതു. അങ്ങനെ 36,000 കിലോമീറ്റർ ഉയരത്തിൽ ഉള്ള ഓർബിറ്റിനെ geostationary orbit / ഭൂസ്ഥിര ഭ്രമണപഥം എന്ന് പറയുന്നു.
എന്നാൽ അന്താരാഷ്ട്ര ബഹിരാകാശ നിലയത്തിന് 92 മിനിറ്റിനു പകരം 24 മണിക്കൂർ കൊണ്ടു ഭൂമിയെ ചുറ്റുവാൻ സാധിക്കുമോ? ഇല്ല. എത്ര സമയം കൊണ്ടു ഭൂമിയെ ചുറ്റണം എന്നത് ആ സാറ്റലറ്റിന്റെ ഭൂമിയിൽ നിന്നുള്ള ഉയരത്തെയും, ദിശയേയും ആശ്രയിച്ചിരിക്കും.
400 കിലോമീറ്റർ മുകളിലുള്ള ഓർബിറ്റിൽ സമയം 90 മിനിറ്റ് ആണു. ഭൂമിയിൽ നിന്ന് മുകളിലേക്ക് / ദൂരേക്ക്‌ പോകുമ്പോൾ ഓർബിറ്റൽ സമയം കൂടും. അങ്ങനെ 36000 കിലോമീറ്റർ ഉയരം ആവുമ്പോൾ ഓർബിറ്റൽ സമയം 24 മണിക്കൂർ ആവും.
ചന്ദ്രനും ഭൂമിയുടെ സാറ്റലറ്റാണു. ചന്ദ്രൻ 4 ലക്ഷം കിലോമീറ്റർ ഉയരത്തിൽ / ദൂര ആണു. അവിടത്തെ ഓർബിറ്റൽ സമയം 28 ദിവസം ആണു. അതുകൊണ്ടാണ് ചന്ദ്രൻ 28 ദിവസംകൊണ്ട് ഭൂമിയെ ചുറ്റുന്നതു.

ഭൂമിയുടെ തിളക്കത്തിനു മുന്നില് ചന്ദ്രൻ ഒന്നുമല്ല

സൂര്യൻ കഴിഞ്ഞാൽ നമ്മുടെ ആകാശത്തു ഏറ്റവും തെളിച്ചമുള്ളതാണു ചന്ദ്രൻ. പൂർണചന്ദ്ര ദിവസങ്ങളിൽ
നമ്മുടെ കണ്ണു വേദനിക്കുന്ന അത്ര തിളക്കുമുണ്ടു ചെന്ദ്രനു. 
എന്നാൽ നമ്മൾ കരുതുന്നതുപോലെ ചന്ദ്രനിലെ മണ്ണ് വെളുത്തതല്ല. നന്നായി ഇരുണ്ട മണ്ണാണു ചന്ദ്രനിലേതു. എന്നാൽ പ്രകാശം പതിക്കുന്ന ദിശയിൽ കൂടുതൽ പ്രതിഫലനശേഷി കൂടുതൽ ഉണ്ട്. regolith എന്നാണു ഇതിനു പറയുക.

ഇനി ചന്ദ്രനേയും സൂര്യനെയും ഒന്നിച്ചു ഒരു ഫോട്ടോ എടുത്തു നോക്കിയാലോ ? 

ചന്ദ്രൻ നമ്മളിൽ നിന്നും ഏകദേശം 4 ലക്ഷം കിലോമീറ്റർ ദൂരെ ആണു. ഭൂമിയിൽനിന്നും 15 ലക്ഷം ദൂരെ കാലാവസ്ഥ പഠിക്കുവാനായി നമുക്കൊരു സാടലറ്റ് ഉണ്ട്. Deep Space Climate Observatory (DSCOVR). അവിടെ നിന്നും ഭൂമിയും ചന്രനേയും നന്നായി നിരീക്ഷിക്കാം. അവിടെ നിന്നുള്ള ഫോട്ടോ താഴെ കൊടുത്തിട്ടുണ്ട്. ഭൂമിയും ചന്ദ്രനും ഒരേ ഫോട്ടോയിൽ നന്നായി വരുന്ന രീതിയിൽ എക്സോഷർ ചെയ്തെടുത്ത ചിത്രം. അതിൽ ചന്ദ്രനെ നോക്കുക. വളെരെ ഇരുണ്ട് ഒരു ഭംഗിയും ഇല്ലാതെ കാണപ്പെടുന്നു.
ചന്ദ്രന്റെ പ്രകാശ പ്രതിഫലന ശേഷി 0.12 ആണു. എന്നാൽ ഭൂമിയുടേതു 0.30 ഉം. ചന്ദ്രന്റെ 2.5 മടങ്ങ് കൂടുതൽ !
കൂടാതെ ചന്ദ്രന്റെ 16 മടങ്ങ് ദ്രിശ്യ വിസ്തീർണം ഉണ്ട് ഭൂമിക്ക്. അതുകൊണ്ട് പൂർണ ചന്ദ്ര ദിവസത്തിൽ ഉണ്ടാവുന്ന നിലാവിന്റെ 40 മടങ്ങ് പ്രകാശമാനമായിരിക്കും ഭൂമിയുടെ "നിലാവിനു".
ചുരുക്കിപ്പറഞ്ഞാൽ ... ഭൂമിയുടെ തിളക്കത്തിനു മുന്നില് ചന്ദ്രൻ ഒന്നുമല്ല :)

Gravity waves

30 മീറ്റർ വലിപ്പം ഉള്ള ഛിന്ന ഗ്രഹം ഭൂമിക്കു 18,000 കിലോമീറ്റർ മുതൽ 15 ലക്ഷം കിലോമീറ്റർ വരെ അടുത്തുകൂടെ കടന്നുപോകും.

ഈ വരുന്ന മാർച്ച്-5 നു 30 മീറ്റർ വലിപ്പം ഉള്ള ഛിന്ന ഗ്രഹം ഭൂമിക്കു 18,000 കിലോമീറ്റർ മുതൽ 15 ലക്ഷം കിലോമീറ്റർ വരെ അടുത്തുകൂടെ കടന്നുപോകും. 2013 ഇൽ ആണു ഈ ഛിന്ന ഗ്രഹത്തെ നമ്മൾ കണ്ടെത്തിയത്. അന്ന് ഇതിനെ വെറും 3 ദിവസം മാത്രമാണു ട്രാക്ക് ചെയ്യുവാൻ അവസരം ലഭിച്ചത്. അതുകൊണ്ടുതന്നെ അതിന്റെ പാത നമുക്ക് കൃത്യമായി മനസ്സിലാക്കുവാൻ സാധിച്ചിട്ടില്ല. ഓരോ 2 വർഷം കഴിയുമ്പോഴും അത് ഭൂമിക്കു അടുത്തുകൂടെ കടന്നുപോകും. എന്നാൽ ഇപ്രാവശ്യം കുറച്ചുകൂടെ ഭൂമിയോട് അടുത്തു വരും എന്ന് കരുതുന്നു. ഇത്തവണ അതിന്റെ കൃത്യമായ പാത നമുക്ക് മനസ്സിലാക്കാം. 3 വർഷം മുന്നേ റഷ്യയിൽ ചെറിയ തോതിൽ നാശഷടം ഉണ്ടാക്കിയ ഛിന്ന ഗ്രഹത്തേക്കാൾ ഇരട്ടിയോളം വലിപ്പമുണ്ട് ഇതിനു. 2013 TX 68 എന്നാണു പേരിട്ടിരിക്കുന്നത്. എന്തായാലും ഈ സമീപ ഭാവിയിലൊന്നും ഇവൻ ഭൂമിക്കു ഭീഷണി ആവില്ല എന്നാണു നാസ പറയുന്നതു.
ചെറിയ ടെലസ്ക്കോപ്പിലൂടെ 2013 TX 68-നെ കാണുവാൻ സാധിക്കും.

ഉൽക്ക വീണു മനുഷ്യർ മരിക്കുമോ ??

ഉൽക്ക വീണു മനുഷ്യർ മരിക്കുമോ ??

ഇതുവരെ ഉൽക്കാ പതനത്തിൽ ആളുകളോ മറ്റു ജീവജാലങ്ങളോ മരിച്ചു എന്ന് റിപ്പോർട്ട് ചെയ്തിട്ടില്ല.
നമ്മുടെ സൌരയുധം രൂപപ്പെടുന്ന സമയത്ത് ഗ്രഹങ്ങൾ ആകാൻ സാധിക്കാൻ തക്ക വലിപ്പം ഇല്ലാത്തതോ, അല്ലെങ്കിൽ ഗ്രഹങ്ങളിൽ നിന്നോ, വാല് നക്ഷത്രങ്ങളിൽ നിന്ന് അടർന്നു പോന്നതോ ആയ ശിലകൾ ആണു ഉൽക്കകൾ എന്ന് അറിയപ്പെടുന്നതു. ഇത് ഏറ്റവും കൂടുതലായി കാണപ്പെടുന്നത് ചൊവ്വയ്ക്കും, വ്യാഴത്തിനും ഇടയ്ക്ക് ആണ്. എന്നാൽ ഭൂമിയിൽ പതിക്കുന്ന മിക്ക ഉൽക്കകളും വാൽനക്ഷത്രങ്ങളിൽ നിന്ന് അടർന്നു പോന്നത് ആവാം. ഇവയുടെ വലിപ്പം മൺ തരി മുതൽക്കു കിലോമീറ്ററുകൾ വരെ ആവാം. വലിപ്പം കുറഞ്ഞവയും, ഉറപ്പു കുറഞ്ഞവയും ഭൂമിയുടെ അന്തരീക്ഷത്തിന്റെ ഖർഷണത്തിൽ കത്തി ചാരം ആവുന്നു. എന്നാൽ ചിലത് കത്തി തീരാതെ ഭൂമിയിൽ വന്നു പതിക്കും.
3 വര്ഷം മുൻപ്‌ റഷ്യയിൽ ഒരു വലിയ ഉൽക്കാ പതനം ഉണ്ടായി. കെട്ടിടങ്ങൾക്കും ആളുകള്ക്കും പരിക്ക് ഏറ്റു. എന്നാൽ ഇതുവരെ ആരും മരിച്ചതായി രേഖപ്പെടുത്തിയിട്ടില്ല. എന്നാൽ ഇന്നലെ തമിഴ നാട്ടിലെ വെല്ലൂരിൽ ഉള്ള എഞ്ജിനീയറിങ്ങ് കോളേജിൽ ഉണ്ടായ സ്പോടനം ഉൽക്കാ പതനം ആണു എന്നാണു പ്രാഥമീക നിഗമനം. ഇസ്റോയിലെ അധികാരികൾ ഇത് പരിശോധിച്ചു റിപ്പോർട്ട് സമർപ്പിച്ചാൽ മാത്രമേ ശരിയായ നിഗമനത്തിൽ എത്തിച്ചേരുവാൻ സാധിക്കൂ.
ഈ സ്പോടനത്തിൽ ഒരാൾ മരിക്കുകയും, 3 പേർക്ക് പരിക്കേല്ക്കുകയും ചെയ്തു. ഒരുപക്ഷെ ഉൽക്കാപതനത്തിൽ മരിക്കുന്ന ആദ്യത്തെ വ്യക്തി ആവും ഈ 40 കാരൻ.

നമ്മുടെ ആകാശത്തു കാണുന്ന പ്രകാശമാനമായ വസ്തുക്കളെ എങ്ങനെ തിരിച്ചറിയാം ?

നമ്മുടെ ആകാശത്തു കാണുന്ന പ്രകാശമാനമായ വസ്തുക്കളെ എങ്ങനെ തിരിച്ചറിയാം ?
അതിനായി ചില എളുപ്പ മാർഗങ്ങൾ ഇതാ...

നമ്മുടെ അടുത്ത ഗാലക്സി ആയ ആൻഡ്രോമീഡ സെക്കന്റിൽ 110 കിലോമീറ്റർ വേഗതയിൽ നമ്മോടു അടുത്തു വരികയാണ്.

നമ്മുടെ അടുത്ത ഗാലക്സി ആയ ആൻഡ്രോമീഡ സെക്കന്റിൽ 110 കിലോമീറ്റർ വേഗതയിൽ നമ്മോടു അടുത്തു വരികയാണ്.
4 ബില്യൺ വർഷം കഴിയുമ്പോൾ നമ്മളുടെ ഗാലക്സി ആയ മിൽക്കിവേ യുമായി കൂട്ടി ഇടിക്കും. കൂടിച്ചേരും എന്ന് പറയുന്നതാവും ശരി. കാരണം .. ഈ കൂടിച്ചേരലിൽ 2 ഗാലക്സികളിലേയും നക്ഷത്രങ്ങൾ പരസ്പ്പരം കൂട്ടി ഇടിക്കാനുള്ള സാധ്യത കുറവാണു.
ഇതുപോലെ ചെറിയ ഗാലക്സികൾ കൂടിച്ചേർന്ന് വലിയ ഗാലക്സികൾ ഉണ്ടായിക്കൊണ്ടിരിക്കുന്നു... ഈ കൂടിച്ചേരൽ ഇങ്ങനെ തുടർന്നുകൊണ്ടേ ഇരിക്കും... പക്ഷെ കോടാനുകോടി വർഷങ്ങൾ അതിനെടുക്കും എന്ന് മാത്രം.

ആൻഡ്രോമീഡയും, മിൽകിവേയും ചേർന്നു ഉണ്ടാവുന്ന ഗാലക്സിക്ക് നമ്മൾ ഇപ്പോഴേ പേരൊക്കെ ഇട്ടു വച്ചിട്ടുണ്ട്. മിൽക്കോമീഡ

താഴെ കൊടുത്തിരിക്കുന്ന ചിത്രത്തിലെ A യും B യും ഒരേ നിറം ആണു

താഴെ കൊടുത്തിരിക്കുന്ന ചിത്രത്തിലെ A യും B യും ഒരേ നിറം ആണു

 ( only in photo ) .
എന്നാൽ യഥാർത്തത്തിൽ ( in real life ) അത് (A) കറുത്ത വസ്തുവും, (B) വെളുത്ത വസ്തുവും ആണു. see the pic.

പ്രകാശം കൂടുതൽ വീഴുമ്പോൾ കറുത്ത വസ്തു (A) വെളുത്തും, പ്രകാശം വീഴാത്ത ഇടത്തു വെളുത്ത വസ്തു (B) കറുത്തും കാണുന്നു.

* മുകളിലെ ചിത്രത്തിൽ കറുത്ത വസ്തുവിന്റെ " പ്രകാശം വീഴുന്ന ഭാഗവും ", വെളുത്ത വസ്തുവിന്റെ "പ്രകാശം വീഴാത്ത ഭാഗവും" തമ്മിൽ ആണു നാം താരതമ്യം ചെയ്തത്.
പക്ഷെ ശരിക്കും ഒന്ന് കറുത്ത വസ്തുവും, മറ്റേതു വെളുത്ത വസ്തുവും ആണു. അത് നമ്മൾ പോലും അറിയാതെ നമ്മുടെ തലച്ചോർ നമ്മോടു പറയുന്നു !!

Earth

അന്താരാഷ്‌ട്ര ബഹിരാകാശ നിലയം ( ഇന്റർനാഷണൽ സ്പേസ് സ്റ്റേഷൻ : ISS )

അന്താരാഷ്‌ട്ര ബഹിരാകാശ നിലയം ( ഇന്റർനാഷണൽ സ്പേസ് സ്റ്റേഷൻ : ISS )

മനുഷ്യർക്ക്‌ ബഹിരാകാശത്തു താമസിച്ചു ഗവേഷണങ്ങൾ ചെയ്യുവാനായി നിർമിച്ചിരിക്കുന്ന ഒരു പടുകൂറ്റൻ ഉപഗ്രഹ സമുച്ചയം ആണു ISS .
അമേരിക്ക, ജപ്പാൻ, റഷ്യ, ചൈന യൊറോപ്യൻ യൂണിയനിലെ 11 രാജ്യങ്ങളും ആണു ഈ പദ്ധതിക്ക് പിന്നിൽ.
ISS ഏകദേശം 400 കിലോമീറ്റർ ഉയരത്തിൽ സെക്കന്റിൽ 7.6 കിലോമീറ്റർ വേഗതയിൽ 92 മിനിറ്റ് കൊണ്ടു ഭൂമിയെ ചുറ്റിക്കൊണ്ടിരിക്കുന്നു.

ISS -നെ നമുക്ക് നഗ്ന നേത്രങ്ങൾ കൊണ്ടു കാണുവാൻ സാധിക്കും.
ദിവസവും ISS പല പ്രാവശ്യം നമ്മുടെ തലയ്ക്കു മുകളിലൂടെ സഞ്ചരിക്കും എങ്കിലും ഇത്ര ദൂരെ ആയതു കാരണം നമുക്ക് മനസ്സിലാക്കുവാൻ സാധിക്കാറില്ല. എന്നാൽ ഇവിടെ ഇരുട്ടും, 400 കിലോമീറ്റർ മുകളിൽ സൂര്യപ്രകാശവും ഉള്ളപ്പോൾ നമുക്ക് ISS നെ എളുപ്പം കാണാം.
സൂര്യോദയത്തിനു 90 മിനിറ്റ് മുൻപുള്ള സമയവും, സൂര്യാസ്തമയത്തിനു ശേഷമുള്ള 90 മിനിറ്റ് വരെയുള്ള സമയങ്ങളിൽ ISS നമ്മൾ നില്ക്കുന്നതിനു 1000 കിലോമീറ്റർ ദൂര പരിധിയിൽക്കൂടെ കടന്നുപോയാൽ നമുക്ക് കാണുവാൻ സാധിക്കും.
* ഇന്ത്യ, ഗൾഫ് എന്നീ പ്രദേശങ്ങളിൽ ISS പോകുന്നതു 2 ദിശകളിൽ ആണ്.
1) വടക്കു പടിഞ്ഞാറു നിന്നും തലയ്ക്കു മുകളിലൂടെ തെക്ക് കിഴക്കോട്ട്.
2) തെക്ക് പടിഞ്ഞാറു നിന്നും തലയ്ക്കു മുകളിലൂടെ വടക്കു കിഴക്കോട്ട്.
ഈ മുകളിൽ പറഞ്ഞ ദിശയിലോ.. അല്ലെങ്കിൽ അതിനു സമാന്തരം ആയിട്ടോ മാത്രമേ നമുക്ക് ISS നെ കാണുവാൻ സാധിക്കൂ.

ISS ഉം ആയി ബന്ധപ്പെട്ടു ധാരാളം ആപ്ലിക്കേഷനുകളും മൊബൈൽ ഫോണിലും, നെറ്റിലും ലഭ്യമാണു.
ISS പോകുന്ന ഓർബിറ്റ് കാണാം, ഇപ്പോൾ ഉള്ള സ്ഥലം കാണാം. ISS ഇൽ നിന്നും ഉള്ള പല പല ഹൈഡെഫനീഷൻ ക്യാമറയിൽ നിന്നുള്ള ലൈവ്, എപ്പോഴെല്ലാം നമുക്ക് ISS കാണുവാൻ സാധിക്കും എന്നും, അതിന്റെ ദിശ ഒക്കെ അറിയുവാനും നമുക്ക് ആപ്ലിക്കേഷൻ മുഖേന സാധിക്കും.
അതിൽ പ്രധാനമായ 2 ആപ്ലിക്കേഷനുകൾ ഇവിടെ പരിചയപ്പെടുത്താം.

1)http://www.isstracker.com/
ഇതിൽ ISS ഇപ്പോൾ പൊയ്ക്കൊണ്ടിരിക്കുന്നതും, ഇനി വരാൻ പോകുന്ന 2 ഓർബിറ്റുക്കളും കൃത്യമായി കാണിക്കും. കൂടാതെ സമയം കൊടുത്താൽ ആ സമയത്ത് ISS ഉള്ള സ്ഥാനവും മറ്റും കിട്ടും. ഇനി നമ്മൾ പുറത്തു നിൽക്കുമ്പോൾ കണ്ടതു ISS ആണോ എന്ന് സംശയം ഉണ്ടെകിൽ ആ സമയം ഈ പേജിൽ കൊടുത്താൽ അതിന്റെ സ്ഥാനം കിട്ടും. അങ്ങനെ നമ്മൾ നിന്നിടത്താണോ ISS ആ സമയം ഉണ്ടായിരുന്നതു എന്നും മനസ്സിലാക്കാം.

2)http://iss.astroviewer.net/observation.php?
ഇതിൽ നിന്നും ലോകത്തിലെ ഒട്ടുമിക്ക സ്ഥലങ്ങളും തിരഞ്ഞു.. അവിടെ നമുക്ക് ISS ഇനി വരുന്ന കുറച്ചു ദിവസങ്ങളിൽ എപ്പോൾ, ഏതു ദിശയിൽ, എത്ര തെളിഞ്ഞു കാണാം എന്നൊക്കെ മനസ്സിലാക്കാം.

ആദ്യം "Your location " എന്നുള്ളിടത്ത് നിങ്ങളുടെ സ്ഥലം കൊടുക്കുക. സെർച്ച് ചെയ്യുക.
ISS കാണാൻ സാധിക്കുന്ന അടുത്ത കുറച്ചു ദിവസങ്ങൾ താഴെ കാണിക്കും.
ദിശയും, തെളിച്ചവും വലതു വശത്തെ ചിത്രത്തിൽ കാണിക്കും.
ഇതിൽ ശ്രദ്ധിക്കാനുള്ളത് മാഗ്നിറ്റ്യൂഡ് ആണു. മൈനസ് ( - ) വാല്യു കൂടുമ്പോൾ തെളിച്ചം കൂടും. -3.4 ആണു ISS കാണുന്നതിൽ ഏറ്റവും തെളിഞ്ഞത്.
-2.0 ഒക്കെ ആവുമ്പോൾ തെളിച്ചം നനായി കുറയും. കൂടാതെ " Maximum " എന്നത് 30 മുതൽ 90 വരെ ആണു കാണാൻ എളുപ്പം. 90 ആയാൽ തലയ്ക്കു മുകളിൽ എന്നാണു.
ISS ഭൂമിയുടെ നിഴലിൽ ആവുമ്പോൾ കാണാൻ സാധിക്കതാവുന്നു. അതുകൊണ്ടു ISS പോകുന്നതു കാണുന്നതു പാതി വഴിയിൽ മങ്ങി മങ്ങി കാണാൻ പറ്റാതാവും.
നമ്മുടെ ശുക്രനെപ്പോലെതന്നെ നന്നായി തിളക്കമുള്ളതാണു ISS .

സൂര്യന്റെ നിറം " വെളുപ്പ് " ആണു.

സൂര്യന്റെ നിറം " വെളുപ്പ് " ആണു. നമ്മുടെ അന്തരീക്ഷം കാരണമാണ് സൂര്യൻ മഞ്ഞയും, ചുമപ്പും ഒക്കെയായി കാണുന്നതു.
സൂര്യപ്രകാശത്തിൽ നമ്മൾ മഴവില്ലിൽ കാണുന്ന എല്ലാ നിറങ്ങളും ഒരേപോലെ അടങ്ങിയിട്ടുണ്ട്. എല്ലാ നിറങ്ങളും ചേർത്താൽ കിട്ടുന്ന നിറം വെളുപ്പാണു. എന്നാൽ സൂര്യപ്രകാശത്തിലെ ഊർജ്ജം കൂടിയ നിറങ്ങളായ വയലറ്റും, നീലയും ഒക്കെ ഭൂമിയുടെ അന്തരീക്ഷത്തിൽ ചിതറി പോയി ബാക്കി വരുന്ന നിറങ്ങൾ മാത്രമാണു നമ്മുടെ കണ്ണിൽ പതിക്കുക. സൂര്യപ്രകാശം കൂടുതൽ ദൂരം വായുവിലൂടെ സഞ്ചരിക്കുമ്പോൾ അതിന്റെ , സ്കാറ്ററിങ്ങ് / ചിതറൽ കൂടുന്നു. അപ്പോൾ ഏറ്റവും ഊർജ്ജം കുറഞ്ഞ ചുവപ്പ് പ്രകാശം മാത്രം ബാക്കി ആവുന്നു. അതാണു രാവിലെയും വൈകീട്ടും ചുവന്ന സൂര്യനെ കാണുന്നത്.

തീയിൽ നടക്കാമോ ?

തീയിൽ നടക്കാമോ ?
തീയിൽ നടന്നാൽ പൊള്ളും. എന്നാൽ തീക്കനലിൽ നമുക്ക് ചെരുപ്പിടാതെ നടക്കാം. നമ്മുടെ നാട്ടിലൊക്കെ ഇത് ദൈവത്തിന്റെ പേരിലും, പിന്നെ ആത്മീയതയുടെ പേരിലുമൊക്കെയാണു ഈ തീക്കനൽ നടത്തം കാണാറുള്ളതു.

സത്യത്തിൽ എന്താണു ഇതിനു പിന്നിലുള്ള ശാസ്ത്രം എന്ന് നോക്കാം.
ഒരു ചെറിയ ഉദാഹരണത്തിൽ നിന്നും തുടങ്ങാം…
ഒരു പ്ലാസ്റ്റിക് ഗ്ലാസും, ഒരു സ്റ്റീൽ ഗ്ലാസും 2-3 മണിക്കൂർ ഫ്രിഡ്ജിന്റെ ഫ്രിസറിൽ വെക്കുക. എന്നിട്ട് 2 ഉം കൈയ്യിൽ എടുത്തു നോക്കുക. 2 നും ഒരേ തണുപ്പു ( താപനില ) ആണെങ്കിലും പ്ലാസ്റ്റിക് ഗ്ലാസിനു തണുപ്പു അധികം തോന്നില്ല. എന്താണു കാരണം ?? പ്ലാസ്റ്റിക്കിന്റെ പുറമേയുള്ള തണുപ്പു മാത്രമേ നമ്മുടെ കൈയ്യിൽ പ്രവേശിക്കുന്നുള്ളൂ. എന്നാൽ സ്റ്റീലിന്റെ ഉൾഭാഗത്തെ തണുപ്പു പുറമേയ്ക്കു വന്നുകൊണ്ടേ ഇരിക്കും. അതുകൊണ്ടു സ്റ്റീലിനു തണുപ്പു കൂടുതൽ എന്ന് തോന്നും. എന്ന് വച്ചാൽ… സ്റ്റീൽ ഒരു നല്ല താപ ചാലകം ( thermal conductor ) ആണു. എന്നാൽ പ്ലാസ്റ്റിക്, മരം, റബ്ബർ മുതലായവ ഒരു നല്ല താപ ചാലകം അല്ല.
തീ അണച്ചതിനു ശേഷം ഉള്ള കനലും ഇതുപോലെ ആണ്. ഏറ്റവും പുറം ഭാഗത്തുള്ള ചൂടു മാത്രമേ കാലിൽ ഏൽക്കൂ…
തീക്കനലിൽ അധികം സമയം നില്ക്കാതെ വേഗം വേഗം കാൽ മാറ്റി മാറ്റി ചവിട്ടിയാൽ കാൽ പൊള്ളില്ല. കാരണം .. കനലിന്റെ പുറം ഭാഗത്തെ ചൂടു മാത്രമേ കാലിൽ മുട്ടുന്നുള്ളൂ. കൂടാതെ കനലിനു മുകളിൽ ഒരു നിര ചാരം കൂടെ മിക്കവാറും ഉണ്ടായിരിക്കും. ഈ ചാരവും ഒരു താപ ചാലകം അല്ല.

അപ്പോൾ ഇതുപോലെ കനലിൽ നടക്കുന്നവരിൽ ചിലർക്ക് ചെറുതായെങ്കിലും പൊള്ളലേൽക്കാറില്ലേ എന്ന് ചിലർ ചോദിക്കാം.
ശരിയാണു . ചിലർക്ക് പൊള്ളൽ ഏൽക്കാറുണ്ടു. അതെന്തുകൊണ്ടാണെന്നു നോക്കാം..
തീക്കനലിൽ നടക്കുമ്പോൾ കാൽ വേഗം മാറ്റി മാറ്റി നടക്കണം എന്ന് പറഞ്ഞുവല്ലോ. ഇങ്ങനെ നടക്കുമ്പോൾ കനൽ നമ്മുടെ വിരലുകൾക്കിടയ്ക്കു കുരുങ്ങിപ്പോകാറുണ്ടു. അതുകൊണ്ടു വിരലുകള വിടര്ത്തിയും ചുരുക്കിയും കനൽ കുരുങ്ങാതെ ശ്രദ്ധിക്കണം. കൂടാതെ കനലിനു കൂടെ ഉരുകിയ പ്ലാസ്റ്റിക്കോ, ലോഹ പദാർതങ്ങളോ ഉണ്ടാവാം. അതും ശ്രദ്ധിക്കണം. കൂടാതെ കാൽ പാതം മാത്രം കനലിൽ മുട്ടുവാൻ പാടുള്ളൂ. പാദത്തിനു മുകളിലുള്ള സാധാരണ തൊലിയിൽ കനൽ നേരിട്ടു മുട്ടതിരിക്കാനും ശ്രദ്ധിക്കണം.
ഇത്രയും പറഞ്ഞതുകൊണ്ടു ആരും തീക്കനൽ ഉണ്ടാക്കി അതിൽ നടക്കാൻ ശ്രമിക്കണ്ട. എന്നാലും കനൽ നടത്തം എന്ന് കേൾക്കുമ്പോൾ ഒരു ചെറു പുഞ്ജിരിയോടെ അതിന്റെ പിന്നിലുള്ള ശാസ്ത്രം എനിക്കറിയാം എന്ന് ഓർത്താൽ മതി.

ഒരു അവസരം കിട്ടിയാൽ ചെയ്യാൻ മടിക്കരുത്. അത് നിങ്ങൾക്കു തരുന്ന സെല്ഫ് കോണ്‍ഫിഡൻസ് വളരെ വലുതാകും !!
പക്ഷെ ഇത് മറക്കരുതു :
* വിരലുകൾക്കിടയ്ക്കു കനൽ കുരുങ്ങി ഇരിക്കാതെ ശ്രദ്ധിക്കണം.
* ഉരുകിയ റബ്ബറോ, പ്ലാസ്റ്റ്ക്കോ, ലോഹത്തിന്റെ ഭാഗങ്ങളിലോ കാൽ ചവിട്ടരുത്.
* കാൽ പാതത്തിനു മുകളിലെ തൊലി കനലിൽ മുട്ടാതെ ശ്രദ്ധിക്കണം.
WALK LIKE A HERO ! FEEL LIKE A HERO !!

കോൾഡ് വെൽഡിങ്ങ്.

കോൾഡ് വെൽഡിങ്ങ്.

തീയോ, കറന്റോ ഒന്നും ഉപയോഗിക്കാതെ സാധാരണ താപനിലയിൽ ഒരേ ലോഹത്തിന്റെ 2 ഭാഗങ്ങൾ കൂട്ടി വച്ചാൽ അത് തനിയെ ഒന്നയിത്തീരുന്നതാണു കോൾഡ് വെൽഡിങ്ങ്. 
ആ 2 ഭാഗങ്ങളുടെ കൂട്ടി മുട്ടുന്ന ഭാഗത്തുള്ള തന്മാത്രകൾ ഓക്സിഡേഷൻ മുഖേന മാറ്റം വരികയോ, അല്ലെങ്കിൽ മറ്റു വസ്തുക്കളുടെ തന്മാത്രകൾ അവയ്ക്കിടയിൽ വന്നു കൂടിച്ചേരലിനു തടസ്സം സൃഷ്ടിക്കുകയോ ചെയ്യരുത് എന്ന് മാത്രം.

ലോഹങ്ങളുടെ തന്മാത്രകൾ അന്തരീക്ഷത്തിലെ ഓക്സിജനുമായി കൂടിമുട്ടുന്ന മാത്രയിൽത്തന്നെ ഓക്സിഡെഷൻ നടക്കുന്നു.
കൂടാതെ 2 ലോഹങ്ങൾ എത്ര ചേർത്തു വച്ചാലും അവയ്ക്കിടയിൽ വായുവിന്റെ നേർത്ത പടലം ഉണ്ടാവുകയും ചെയ്യുന്നു. അതുകൊണ്ടു കോൾഡ് വെൽഡിങ്ങ് നമ്മുടെ അന്തരീക്ഷത്തിൽ നടക്കാറില്ല. എന്നാൽ സ്പേസിൽ പോയാൽ സംഗതി ഇതല്ല. ചെമ്പോ, അലുമിനിയമോ മറ്റോ സ്പേസിൽ വച്ചു ഒന്ന് ഒടിച്ചു വീണ്ടും ചേർത്ത് വച്ചാൽ അവ വീണ്ടും ഒന്നാവുന്നു.
കോൾഡ് വെൽഡിങ്ങ് സംഭവിക്കാതിരിക്കാൻ സ്പേസിൽ പോകുന്ന വാഹനങ്ങളുടെ ലോഹ ഭാഗങ്ങൾ നമ്മൾ പ്രത്യേകം കോട്ടിംഗ് ചെയ്താണ് അയക്കുക.
സ്പേസിൽ മാത്രമല്ല.. ഭൂമിയിലെ വാക്വം ചേംബറുകളിൽ നമുക്ക് കോൾഡ് വെൽഡീങ്ങ് ചെയ്യാവുന്നതാണ്.

നന്നായി പ്രസ് ചെയ്തു മാത്രം വെൽഡ് ആയിരിക്കുന്ന ചില ലോഹക്കംബികൾ ആണു ചിത്രത്തിൽ കാണിച്ചിരിക്കുന്നത്.

സ്പേസിൽ വായു ഇല്ലാത്തതിനാൽ അസ്റ്റ്രനോട്ടുകൾക്കു പരസ്പ്പരം സംസാരിക്കുവാൻ സാധിക്കില്ല.

സ്പേസിൽ വായു ഇല്ലാത്തതിനാൽ അസ്റ്റ്രനോട്ടുകൾക്കു പരസ്പ്പരം സംസാരിക്കുവാൻ സാധിക്കില്ല.
പേടകത്തിന് അകത്തു കൃത്രിമമായി വായു നിറച്ചോ, അല്ലെങ്കിൽ സ്പേസ് വാക്കിനു ഇറങ്ങുംബോൾ മൈക്കും, ഹെഡ് ഫോണും ഉപയോഗിച്ചും മാത്രമേ അവര്ക്ക് പരസ്പ്പരം സംസാരിക്കുവാൻ സാധിക്കൂ.

എന്നാൽ 2 പേരുടേയും ഹെല്മെറ്റുകൾ പരസ്പ്പരം മുട്ടിച്ചു വച്ചാൽ മൈക്കും ഹെഡ്ഫോണും ഇല്ലാതെ അവർക്ക് പരസ്പ്പരം സംസാരിക്കാം.
ശബ്ദം സഞ്ചരിക്കാൻ ഒരു മീഡിയം വേണം. അത് വായുവോ, വെള്ളമോ, മറ്റു പദാർതങ്ങളോ ആവാം. ഇവിടെ ഹെൽമെറ്റിന്റെ ലോഹ ഭാഗങ്ങൾ ശബ്ദത്തിനു ഒരു മീഡിയം ആയി :)
.
നമ്മൾ ആഹാരം കഴിക്കുമ്പോൾ തോന്നുന്ന ശബ്ദവും, നമ്മടെത്തന്നെ സംസാരവും, നമ്മൾ ശ്വസിക്കുന്നത്, എന്തിനു രകതം ഒഴുകുന്ന ശബ്ദം വരെ നമുക്ക് നമ്മുടെ ശരീരത്തിലൂടെ കേൾക്കാം.
നമ്മുടെ ശരീരത്തിലെ തന്നെ ശബ്ദം കേട്ടുകൊണ്ടിരിക്കുന്നത് പലർക്കും മാനസീക പിരിമുറുക്കം സൃഷ്ടിച്ചേക്കാം. അതുകൊണ്ട് സ്‌പേസ് യാത്രികർ കയ്യിൽ കരുതിയിരിക്കുന്ന ഉപകരണം വഴി പാട്ടോ, റേഡിയോയോ മറ്റോ എപ്പൊഴും കേട്ടുകൊണ്ടിരിക്കും.

വാർത്ത സത്യമാണോ എന്നൊന്നും അറിയില്ല. എന്നാലും ഭാവിയിൽ നടന്നേക്കാവുന്ന കാര്യവും ആണു.

Plane in Moon ?

* പ്രകാശം ഒരു വർഷം കൊണ്ടു സഞ്ചരിക്കുന്ന ദൂരം ആണു " ഒരു പ്രകാശവർഷം ".
അപ്പോൾ 1 പ്രകാശവർഷം ദൂരെ നിന്നും ഭൂമി നോക്കിയാൽ 1 വർഷം മുന്നേ നടന്ന സംഭവങ്ങൾ ആവും ലൈവ് ആയി കാണുക.
** നമ്മുടെ ഭീമൻ ടെലസ്ക്കോപ്പിലൂടെ പ്രപഞ്ചത്തിന്റെ ദൂരേക്ക്‌ നമ്മൾ നോക്കുമ്പോൾ പണ്ടു ഉണ്ടായിരുന്ന പ്രപഞ്ചത്തെ ആണു കാണുക.
*** വളരെ വളരെ മുന്നേ ഉണ്ടായിരുന്ന പ്രപഞ്ചത്തെ കാണുവാൻ വളരെ വളരെ ദൂരേക്ക്‌ നോക്കിയാൽ മാത്രം മതി. :)

ഒൻപതാം ഗ്രഹം സത്യം ആവുമോ ?

ഒൻപതാം ഗ്രഹം സത്യം ആവുമോ ?

സൌരയുധത്തിൽ ഒൻപതാം ഗ്രഹം ആവാൻ സാധ്യതയുള്ള 
ഗ്രഹത്തിന്റെ കുറേ തെളിവുമായി ഗവേഷകർ !
പ്ലൂട്ടോയ്ക്ക്‌ പുറത്തായി ഉള്ള കൈപ്പർ ബെൽറ്റിൽ ഉള്ള 
കുറച്ചു കുള്ളൻ ഗ്രഹങ്ങളുടെ സഞ്ചാരത്തിലുള്ള പ്രത്യേകത പഠിച്ച് കംബ്യൂട്ടർ മോഡലിൽ നിന്നാണു ഭൂമിയുടെ 10 മടങ്ങ് പിണ്ഠം ഉള്ള ഒരു ഗ്രഹം 10,000 വർഷത്തിലും അധികം സമയം എടുത്തു സൂര്യനെ പ്രദക്ഷിണം ചെയ്യുന്നുണ്ടാവണം എന്നാ നിഗമനത്തിൽ എത്തിയത്.

ഇനി അതിനെ കണ്ടെത്തുകയേ വേണ്ടൂ. നമ്മുടെ വലിയ ടെലസക്കോപ്പിലൂടെ ഈ ഗ്രഹത്തെ കാണാൻ സാധിക്കും എന്നാണു നിഗമനം. ഈ "ഗ്രഹത്തിന് " തല്ക്കാലം 'ഒന്‍പതാം ഗ്രഹം' എന്നാണു പേരിട്ടിരിക്കുന്നത്. ഇനി അത് കണ്ടുപിടിച്ചു അതിനെ ഒരു ഗ്രഹം ആയി കൂട്ടണമോ എന്നത് കാത്തിരുന്നു കാണാം.
ഒരു ഗ്രഹം ആവാൻ വേണ്ട യോഗ്യതകൾ ഇതൊക്കെ ആണു :
1) അത് സൂര്യനെ ചുറ്റണം. ( അത് OK ആണു )
2) ഗോളാകൃതി ഉണ്ടാവാൻ തക്ക പിണ്ഠം ഉണ്ടാവണം ( അതും OK )
3) അത് പോകുന്ന വഴിയില മറ്റു വസ്തുക്കളൊന്നും ഉണ്ടാവാൻ പാടില്ല
( ഈ ഗ്രഹം വളരെ വലിയ ഓർബിറ്റിലൂടെ 10,000 വർഷത്തിലും അധികം സമയം കൊണ്ടു ദീർഘ വൃത്താക്രിതിയിലാവും സഞ്ചരിക്കുന്നത്. അതുകൊണ്ടു മറ്റു കുള്ളൻ ഗ്രഹങ്ങൾ ഇതിന്റെ ഓർബിറ്റുമായി മുറിച്ചു കടക്കുന്നുണ്ടാവാം. )
അങ്ങനെ ആണെങ്കിൽ ഇതിനെ ഗ്രഹം ആയി കണക്കാക്കുവാൻ സാധിക്കില്ല. എന്തായാലും കാത്തിരുന്നു കാണാം.

എല്ലാ ഗ്രഹങ്ങളേയും ഒന്നിച്ചു കാണുവാൻ അസുലഭ നിമിഷങ്ങൾ...

എല്ലാ ഗ്രഹങ്ങളേയും ഒന്നിച്ചു കാണുവാൻ അസുലഭ നിമിഷങ്ങൾ...

നമുക്ക് നഗനനേത്രങ്ങൾ കൊണ്ടു കാണാൻ കഴിയുന്നത്‌ ബുധൻ, ശുക്രൻ, ചൊവ്വ, വ്യാഴം ശനി എന്നീ ഗ്രഹങ്ങളെ ആണു. അവയെ എല്ലാം ഒന്നിച്ചു കാണുവാൻ...ഇന്ന് മുതൽ 1 മാസക്കാലം മുഴുവനും നമ്മുടെ കിഴക്കുള്ള ചക്രവാളത്തിൽ സൂര്യോദയത്തിനു ഒരു 45 മിനിറ്റു മുൻപ് മുതൽ സൂര്യോദയം വരെ കാണുവാൻ സാധിക്കും.
സൂര്യൻ സൂര്യന് തൊട്ടു അടുത്തായി കിഴേക്കേ അറ്റത്തു ബുധൻ.. ചെറുതായി എന്നാൽ നല്ല തെളിഞ്ഞു അല്പ്പം മഞ്ഞ നിറത്തിൽ കാണാം. അതിനു മുകളിൽ നല്ല തെളിഞ്ഞു ശുക്രനും, പിന്നെ തെളിച്ചം കുറഞ്ഞു ശനിയും, പിന്നെ അല്പ്പം ചുമപ്പു നിറത്തിൽ ചൊവ്വയും, അല്പ്പം പടിഞ്ഞാറു മാറി വ്യാഴവും തെളിഞ്ഞു കാണാം.
ഈ ഒരു മാസം കഴിഞ്ഞാൽ ബുദ്ധനെ കാണുവാൻ സാധിക്കില്ല.
2 മാസം കഴിഞ്ഞാൽ ശുക്രനേയും കാണില്ല.
മറ്റു ഗ്രഹങ്ങളെ കുറേ നാളുകൂടെ നമുക്ക് അവിടെ കാണാം.

ഭൂമിയിൽ കൂടുതൽ ഉള്ളതു വെള്ളമാണോ അതോ മറ്റു പദാർതങ്ങൾ ആണോ ??

ഭൂമിയിൽ കൂടുതൽ ഉള്ളതു വെള്ളമാണോ 
അതോ മറ്റു പദാർതങ്ങൾ ആണോ ??

ഭൂമിയിൽ മുക്കാൽ ഭാഗവും ( 71 % ) വെള്ളമാണ് എനാണ് മിക്ക ആളുകളും പറയുക !. തെറ്റ്.
എന്നാൽ ഇവിടെ കൊടുത്തിരിക്കുന്ന പടം നോക്കൂ. അതിൽ കാണുന്ന അത്രയേ ഉള്ളൂ കടലിലെയും, കരയിലേയും ഒക്കെ ആകെ ഉള്ള വെള്ളം. അതിൽ ശുദ്ധജലം എത്ര എണ്ടെന്നും നോക്കുക ! 
71% വെള്ളം എന്ന് പറയുന്നതു ഉപരിതലത്തിൽ കാണുന്ന വെള്ളത്തിന്റെ വിസ്തീർണം ( surface area ) മാത്രമാണു. വ്യാപ്തം ( volume ) അല്ല.
നമ്മുടെ കടലിന്റെ ഏറ്റവും കൂടിയ ആഴം എന്ന് പറയുന്നതു വെറും 10 കിലോമീറ്റർ ആണു. ഭൂമിയുടെ വ്യാസാർധം ആണെങ്കിൽ 6,371 km ഉം.
നമ്മൾ ഭൂമിയിൽ കാണുന്ന വെള്ളം ഒരു കഴുകിയ ആപ്പിളിന്റെ പുറത്തു പറ്റിയിരിക്കുന്ന വെള്ളം കണക്കെ വളരെ

കുറച്ചേ ഉള്ളൂ.

Formulas-1

CAD Programs & Computer

പ്രപഞ്ചത്തിലേക്കുള്ള കണ്ണുകൾ !

Keyboard shorcuts

ഗ്രഹം ഏതു ? നക്ഷത്രം ഏതു ?

ഗ്രഹം ഏതു ? നക്ഷത്രം ഏതു ?
നമ്മുടെ ആകാശത്തു കാണുന്ന നക്ഷത്രങ്ങളിൽ നിന്ന് ഓരോ ഗ്രഹങ്ങളേയും എങ്ങനെ മനസ്സിലാക്കാം ?
ചില എളുപ്പ വഴികൾ ഇതാ...
* മിന്നുന്നതോന്നും ഗ്രഹങ്ങൾ അല്ല :)
* സൂര്യനും, ചന്ദ്രനും ' സഞ്ചരിക്കുന്ന ' പാതയിൽ മാത്രമേ ഗ്രഹങ്ങളെ കാണുവാൻ സാധിക്കൂ.
* കുറച്ചു ദിവസം തുടർച്ചയായി നിരീക്ഷിച്ചാൽ നക്ഷത്രങ്ങൾക്കിടയിലൂടെ ഗ്രഹങ്ങൾ നീങ്ങുന്നതായി കാണാം.
ചുരുക്കി പറഞ്ഞാൽ നമ്മുടെ രാശിചക്രത്തിലൂടെ ( zodiac ) മിന്നാതെ സാവകാശം സഞ്ചരിക്കുന്ന തെളിച്ചമുള്ള നക്ഷത്രത്തെപ്പോലെ കാണപ്പെടുന്നത് ഗ്രഹം ആവാം.
*---------*---------*---------*---------*---------*---------*---------*---------
സൂര്യൻ ഉദിക്കുന്നതും, നട്ടുച്ചയ്ക്കുള്ളതും, അസ്തമിക്കുന്നതും ആയ സ്ഥാനം പകൽ നോക്കി വെക്കുക.
ആ 3 സ്താനത്തിലൂടെയും ഒരു വര വരച്ചാൽ ആ പാതയിലൂടെ ആവും സൂര്യനും, ചന്ദ്രനും മറ്റു ഗ്രഹങ്ങളും ഒക്കെ ' സഞ്ചരിക്കുന്നത് '.
ആ വരയിൽ ഉള്ള 'നക്ഷത്രങ്ങളെ' കുറച്ചു ദിവസങ്ങൾ നിരീക്ഷിക്കുക. അത്യാവശ്യം തെളിച്ചമുള്ള ചില 'നക്ഷത്രങ്ങൾ' സ്ഥാനം മാറുന്നത് നമുക്ക് കാണാം. അത് ഒരു ഗ്രഹം ആയിരിക്കാം.
ഓരോ ഗ്രഹത്തേയും എങ്ങനെ വേർതിരിച്ചു അറിയാം ?
നമുക്ക് നഗ്നനേത്രം കൊണ്ടു തിരിച്ചറിയാൻ കഴിയുന്നത്‌ ബുധൻ, ശുക്രൻ, ചൊവ്വ, വ്യാഴം. ശനി എന്നീ ഗ്രഹങ്ങളെ മാത്രം ആണു.
ബുധൻ : ബുധൻ ഗ്രഹം സൂര്യന് വളരെ അടുത്തു ആയതുകൊണ്ടു സൂര്യോദയത്തിനു 45 മിനിറ്റ് മുന്നെയോ, സൂര്യാസ്തമയം കഴിഞ്ഞു 45 മിനിറ്റോ മാത്രമേ ബുദ്ധനെ കാണൂ. ഒരുവിധം തെളിഞ്ഞു മഞ്ഞ നിറത്തിൽ കാണാം.
ശുക്രൻ : സൂര്യനും, ചന്ദ്രനും കഴിഞ്ഞാൽ നമ്മുടെ ആകാശത്തു ഏറ്റവും തെളിച്ചമുള്ളതു ശുക്രനാണു. എല്ലാവരും ശുക്രനെ കണ്ടിട്ടുണ്ടാവും. സൂര്യനു അടുത്തായതു കാരണം സൂര്യോദയത്തിനു 2-3 മണിക്കൂറ് മുന്നെയോ, അല്ലെങ്കിൽ സൂര്യാസ്തമയം കഴിഞ്ഞു 2-3 മണിക്കൂറോ മാത്രമേ ശുക്രനെ കാണൂ.
3 മാസം രാവിലെയും, പിന്നെ 3 മാസം വൈകീട്ടും മാറിമാറി കാണാം.
ചൊവ്വ : ഇളം ചുവപ്പ് / ഓറഞ്ചു നിറത്തിൽ ചൊവ്വയെ കാണാം.
വ്യാഴം : ശുക്രൻ കഴിഞ്ഞാൽ നന്നായി തെളിഞ്ഞു കാണുന്നതു വ്യാഴത്തെ ആണു. ചൊവ്വയെക്കാളും വേഗത കുറവായിരികും വ്യാഴത്തിനു.
ശനി : വെളുത്തു പക്ഷെ തെളിച്ചം കുറഞ്ഞു മന്തഗതിയിൽ ആയിരിക്കും ശനിയുടെ സഞ്ചാരം. അതുകൊണ്ടുതന്നെ ശനിക്കു മന്തൻ എന്നൊരു പേരും ഉണ്ട്.

നഗ്നനേത്രങ്ങള്‍ കൊണ്ട് ഒരാള്‍ക്ക് എത്ര നക്ഷത്രങ്ങളെ കാണാം ?

നഗ്നനേത്രങ്ങള്‍ കൊണ്ട് ഒരാള്‍ക്ക് എത്ര നക്ഷത്രങ്ങളെ കാണാം ?

പാതിരാത്രി നല്ല തെളിഞ്ഞ ആകാശത്തു എത്ര നക്ഷത്രത്തെ കാണാം എന്നത് അയാൾ എവിടെ നിന്ന് നോക്കുന്നു എന്നതിനെ ആശ്രയിച്ചിരിക്കും.
1) ദുബായ് പോലുള്ള ഒരു മെട്രോ സിറ്റിയിൽ നിന്ന് ആകാശം നോക്കിയാൽ 10 നക്ഷത്രത്തെ പോലും തികച്ചു കാണുവാൻ സാധിക്കില്ല.
2) കൊച്ചി പോലെ ഉള്ള ഒരു സാധാരണ സിറ്റിയിൽ നിന്ന് നോക്കിയാൽ ചിലപ്പോൾ 100 നക്ഷത്രത്തെ വരെ കാണുവാൻ സാധിക്കും.
3) നമുടെ നാട്ടിൻപുറത്തു നിന്ന് നോക്കിയാൽ 1000 നക്ഷത്രത്തെ വരെ കാണാം.
4) ഇടുക്കി, മൂന്നാർ, കൂർഗ് പോലുള്ള ഉയർന്ന നാടുകളിൽ പാതിരാത്രി ഒരു അര മണിക്കൂർ കണ്ണടച്ചു ഇരുന്നിട്ട് പെട്ടന്ന് കണ്ണുതുറന്നു ആകാശം നോക്കിയാൽ എണ്ണിയാൽ തീരാത്ത അത്ര നക്ഷത്രത്തെ കാണുവാൻ സാധിക്കും. അത് 5,000 നക്ഷത്രം വരെ ആകാം. അതിൽ ചിലത് നെബുലെ കളും, ഗാലക്സികളും, മറ്റു ഗ്രഹങ്ങളും ഒക്കെ ഉണ്ടാവും.

പ്രകാശവും, പൊടിപടലവും മൂലമുള്ള അന്തരീക്ഷ മലിനീകരണം നക്ഷത്രങ്ങളെ നമ്മിൽ നിന്നും മറയ്ക്കും. അതുകൊണ്ടാണ് വലിയ ദൂരദർശിനികൾ ഒറ്റപെട്ട കുന്നിനു മുകളിൽ സ്ഥാപിക്കുന്നത്.

Stars what we see..

പരുന്ത് നല്‍കുന്ന പാഠം :-

ഇതുപോലുള്ള മെസേജുകൾ ചിലപ്പോൾ നിങ്ങൾക്കും ലഭിച്ചിരിക്കാം. 
സത്യം ആയിരിക്കുമോ അതിൽ പറഞ്ഞിരിക്കുന്നതു ??

ഒന്ന് ഗൂഗിൾ നോക്കിയാൽത്തന്നെ നമുക്ക് കാണാം സാധാരണ പരുന്തിന്റെ ആയുസ്സ് 14-15 വർഷമേ ഉള്ളൂ എന്ന്. എന്നാൽ മെസേജിൽ പറഞ്ഞിരിക്കുന്നതു 70 വർഷവും ! 
കഴുകന്റെ ആയുസ്സ് 20-30 വര്ഷം വരെ ആവാം.
പരുന്തിന്റെ ചുണ്ടും ( കൊക്ക് ) നഖങ്ങളും നമ്മുടെ നഖം വളരുന്നതുപോലെ വളരും. എന്നാൽ അത് ഇര പിടിക്കുംബോളും, കൊക്കുരസുംബോളും മറ്റും സ്വാഭാവീകമായും തേയ്മാനം സംഭവിച്ചുകൊണ്ടിരിക്കും.
കൂടാതെ നമ്മുടെ മുടി കൊഴിഞ്ഞു ഇടയ്ക്കിടെ പുതിയത് വരുന്നതുപോലെ പരുന്തിന്റെ തൂവലും ഇടയ്കിടെ കൊഴിഞ്ഞു പുതിയത് വരും. അല്ലാതെ എല്ലംകൂടെ വളർന്നു കട്ടി കൂടില്ല.
ഇനി പരുന്ത് മനപ്പൂർവ്വം തന്റെ ചുണ്ടും, നഖങ്ങളും, തൂവലും ഒക്കെ കളഞ്ഞാൽ അത് ആഹാരം കിട്ടാതെ മരിച്ചുപോവുകയെ ഉള്ളൂ. അല്ലാതെ 5 മാസം ആഹാരം കിട്ടാതെ പരുന്തിനു ജീവിക്കാൻ സാധിക്കില്ല.

തീയുടെ നിഴലെവിടെ ?

തീനാളത്തേക്കാൾ കൂടുതൽ തെളിഞ്ഞ പ്രകാശം ഉപയോഗിച്ചാൽ തീനാളത്തിന്റെ നിഴലും ഉണ്ടാവും.
തീ എന്ന് പറയുന്നതു വാതകങ്ങളും, ബാഷ്പങ്ങളും, കൂടാതെ കത്തുന്ന വസ്തുവിന്റെ ചില അവശിഷടങ്ങളും ചേർന്നതാണ്. അതുകൊണ്ടുതന്നെ തീ പ്രകാശത്തെ കാര്യമായി തടയുന്നില്ല. അപ്പോൾ ഒരു ചോദ്യം സ്വാഭാവീകമായി വരും. എന്തുകൊണ്ടു തീയിലൂടെ നമുക്ക് മറുപുറം കാണുവാൻ സാധിക്കില്ല ? എന്ന്. സാധാരണ നമ്മൾ വസ്തുക്കളെ കാണുന്നതു ആ വസ്തു അതിൽ വീഴുന്ന പ്രകാശത്തെ പ്രതിഫലിപ്പിക്കുംബോൾ ആണു. എന്നാൽ തീ ക്ക് സ്വയം പ്രകാശം ഉള്ളതുമൂലം തീ " ഒരു വസ്തു " ആണു എന്ന് നമ്മൾ തെറ്റിധരിക്കുന്നു. തീനാളത്തേക്കാൾ തെളിച്ചമുള്ള വസ്തു അതിനു പിന്നിൽ പിടിച്ചാൽ നമുക്ക് തീനാളത്തിലൂടെ അതിനെ കാണുവാൻ സാധിക്കും.
ഉത്തരം ചുരുക്കി പറഞ്ഞാൽ :-
തീനാളത്തേക്കാൾ കൂടുതൽ തെളിഞ്ഞ പ്രകാശം ഉപയോഗിച്ചാൽ തീനാളത്തിന്റെ നിഴലും ഉണ്ടാവും. എന്നാൽ സുതാര്യത കൂടുതൽ ആയതുമൂലം അത്ര പെട്ടന്ന് നമുക്ക് തിരിച്ചറിയാൻ സാധിക്കില്ല എന്ന് മാത്രം