സൂര്യന്റെ നിറം " വെളുപ്പ് " ആണു.

സൂര്യന്റെ നിറം " വെളുപ്പ് " ആണു. നമ്മുടെ അന്തരീക്ഷം കാരണമാണ് സൂര്യൻ മഞ്ഞയും, ചുമപ്പും ഒക്കെയായി കാണുന്നതു.
സൂര്യപ്രകാശത്തിൽ നമ്മൾ മഴവില്ലിൽ കാണുന്ന എല്ലാ നിറങ്ങളും ഒരേപോലെ അടങ്ങിയിട്ടുണ്ട്. എല്ലാ നിറങ്ങളും ചേർത്താൽ കിട്ടുന്ന നിറം വെളുപ്പാണു. എന്നാൽ സൂര്യപ്രകാശത്തിലെ ഊർജ്ജം കൂടിയ നിറങ്ങളായ വയലറ്റും, നീലയും ഒക്കെ ഭൂമിയുടെ അന്തരീക്ഷത്തിൽ ചിതറി പോയി ബാക്കി വരുന്ന നിറങ്ങൾ മാത്രമാണു നമ്മുടെ കണ്ണിൽ പതിക്കുക. സൂര്യപ്രകാശം കൂടുതൽ ദൂരം വായുവിലൂടെ സഞ്ചരിക്കുമ്പോൾ അതിന്റെ , സ്കാറ്ററിങ്ങ് / ചിതറൽ കൂടുന്നു. അപ്പോൾ ഏറ്റവും ഊർജ്ജം കുറഞ്ഞ ചുവപ്പ് പ്രകാശം മാത്രം ബാക്കി ആവുന്നു. അതാണു രാവിലെയും വൈകീട്ടും ചുവന്ന സൂര്യനെ കാണുന്നത്.