പരുന്ത് നല്‍കുന്ന പാഠം :-

ഇതുപോലുള്ള മെസേജുകൾ ചിലപ്പോൾ നിങ്ങൾക്കും ലഭിച്ചിരിക്കാം. 
സത്യം ആയിരിക്കുമോ അതിൽ പറഞ്ഞിരിക്കുന്നതു ??

ഒന്ന് ഗൂഗിൾ നോക്കിയാൽത്തന്നെ നമുക്ക് കാണാം സാധാരണ പരുന്തിന്റെ ആയുസ്സ് 14-15 വർഷമേ ഉള്ളൂ എന്ന്. എന്നാൽ മെസേജിൽ പറഞ്ഞിരിക്കുന്നതു 70 വർഷവും ! 
കഴുകന്റെ ആയുസ്സ് 20-30 വര്ഷം വരെ ആവാം.
പരുന്തിന്റെ ചുണ്ടും ( കൊക്ക് ) നഖങ്ങളും നമ്മുടെ നഖം വളരുന്നതുപോലെ വളരും. എന്നാൽ അത് ഇര പിടിക്കുംബോളും, കൊക്കുരസുംബോളും മറ്റും സ്വാഭാവീകമായും തേയ്മാനം സംഭവിച്ചുകൊണ്ടിരിക്കും.
കൂടാതെ നമ്മുടെ മുടി കൊഴിഞ്ഞു ഇടയ്ക്കിടെ പുതിയത് വരുന്നതുപോലെ പരുന്തിന്റെ തൂവലും ഇടയ്കിടെ കൊഴിഞ്ഞു പുതിയത് വരും. അല്ലാതെ എല്ലംകൂടെ വളർന്നു കട്ടി കൂടില്ല.
ഇനി പരുന്ത് മനപ്പൂർവ്വം തന്റെ ചുണ്ടും, നഖങ്ങളും, തൂവലും ഒക്കെ കളഞ്ഞാൽ അത് ആഹാരം കിട്ടാതെ മരിച്ചുപോവുകയെ ഉള്ളൂ. അല്ലാതെ 5 മാസം ആഹാരം കിട്ടാതെ പരുന്തിനു ജീവിക്കാൻ സാധിക്കില്ല.